English Language(အမှန်တကယ်)တတ်လိုသော် (၂)

 

English Language(အမှန်တကယ်)တတ်လိုသော် (၂)

> လူငယ်အများစုသည် စာမဖတ်ပဲ စာတတ်ချင်ကြပါသည်။စကားပြောတတ်ချင်ကြပါသည်။

(လုံးဝ) မဖြစ်နိုင်ပါ။ စာတတ်ချင်လျင်  စာများများဖတ်ပေးကြပါ။

# Speaking skill (သို့) စကားကောင်းကောင်းပြောတတ်ချင်လျင်လည်း စာဖတ်ရပါမည်။

 Speaking Dialogue များကို

တစ်ကြောင်းချင်းစီ လိုက်ကျက်နေရုံမျှဖြင့် စကားပြောတတ်ကျွမ်းလာမည်ဟု မထင်ကြပါနှင့်။

        ထိုစာကြောင်းများကိုတော့ပြောတတ်ပါလိမ့်မည်။ သို့သော်

Continuous talking အဆင့်သို့ မည်သို့မျှရောက်လာမည် မဟုတ်ပါ။ အလွတ်ကျက်ထားသည့်စာကြောင်းများ‌ေလာက်သာတတ်မည်ဖြစ်ပြီးပြောပြီးသည်နှင့် ရပ်သွားပါလိမ့်မည်။

 တစ်ကြောင်းမေး တစ်ကြောင်းဖြေအဆင့်။ ဘာဆက်ပြောရမည်မသိ၊ Auto stop.

တချို့က ဒီအဆင့်မှာ ကျေနပ်နေကြသည်။

 (အဲ့အဆင့်ကို Workable အဆင့်၊ Understandable အဆင့်လို့ခေါ်ပါသည်။)

ထို့ထက်မြင့်သော

Fluent (သို့) Accurate Level

 (လုံးဝ) မဟုတ်ပါ။

   >   ဥပမာဖြင့်ပြရ‌‌ေသာ်၁၀တန်းမအောင်သော်လည်း စာဖတ်များသဖြင့် စာပေဟောပြောပွဲများ၌ ဘွဲ့ရများကို ပြန်လည်ဟောပြောနိုင်သော မြန်မာ စာရေးဆရာကြီးများကို မြင်ယောင်ကြည့်လိုက်ပါ။

      > ဟောပြောနိုင်ခြင်းဆိုသည်မှာ စာဖတ်များသည့် ပုဂ္ဂိုလ်များသာလုပ်ဆောင်နိုင်သည့် စွမ်းရည်တစ်ခုသာဖြစ်ပါသည်။

    >  ထို့ကြောင့် Speaking Skill ကောင်းစွာရရှိလိုသော် စာဖတ်ခြင်း(Reading) ကိုသာ အဓိက ဝါယမစိုက်ထုတ်ကြပါလေ။

    > " စာပေဟောပြောပွဲ" ဆိုသည်ကို ဘာသာပြန်ကြည့်ပါက

စာအများကြီးဖတ်ထားသူတချို့က စာမဖတ်ထားသူ၊ စာဖတ်ပျင်းသူ၊ စာမတတ်သူများကို ၎င်းတို့ဖတ်ထားမှတ်ထားသည့် အကြောင်းအရာများကို ပြန်လည်ပြောပြခြင်း" ဟု ဘာသာပြန်လျှင် မှားမည်မထင်ပါ။

    > ထိုစာရေးဆရာကြီးများသည် စကားပြောစာအုပ်များကို တစ်ကြောင်းစီ အလွတ်ရအောင်ကျက်ပြီးမှ စင်ပေါ်တက်၍ ဟောပြော‌ နေကြခြင်းမဟုတ်သည်ကို သတိပြုကြပါလေ။

    # Writing Skill အတွက်လည်းစာဖတ်ပေးရပါသည်။

   စာဖတ်ခြင်းဖြင့် Writing Skill လည်းတိုးတက်စေပါသည်။

အဘယ်ကြောင့်ဆိုသော် စာဖတ်ခြင်းကြောင့် စကားလုံးအသစ်များ(Vo)၊ အသုံးအနန်ှုးများ(Usages)၊ တွဲလျက်စကားစုများ(Phrases & Clauses)၊ တစ်လုံးချင်းစီ ဘာသာပြန်၍မရသည့် စကားစု( Idioms)များ စသည်တို့ကို သိရှိလာသဖြင့် သင့်၏ English စာ အရေးအသား တိုးတက်ပြောင်းလဲလာပါလိမ့်မည်။

      > အချို့လူငယ်တို့သည် တစ်ကြောင်းစီကျက်၍ပြောရသော စကားပြောများကို လိုက်ကျက်ရင်း အချိန်ကုန်နေကြ၏။ အဟုတ်မှတ်နေကြ၏။ လေ့လာနည်းအမှန်ဟု ထင်မြင်နေကြပါ၏။

     > အချို့က

ဧယဉ်ကျူးတာ English လိုဘယ်လိုပြောမလဲ။

 ကြွက်နားရွက်မှိုကို ဘယ်လိုခေါ်သလဲ၊

စသဖြင့် Applied English မဟုတ်သော  အသုံးအနှုန်းများ စာကြောင်းများကို အချိန်ကုန်ခံ ရှာဖွေနေကြ၏။

  တချို့က Vocabulary ခေါ်စကားလုံးအသစ်များကိုရှာဖွေလိုက်လံကျက်မှတ်နေကြ၏။

     > တချို့က English Class

တစ်ခု တက်လိုက်လျင်

English လို ချက်ချင်းပြောတတ်မည်ဟုမျှော်လင့်နေကြ၏။

 သင်တန်းတက်ရုံမျှဖြင့် အလိုလိုတတ်ကျွမ်းလာမည်ဟု ထင်နေကြ၏။ ကိုယ့်ဖါကိုယ် ကြိမ်ဖန်များစွာ ပြန်လေ့ကျင့်နေမှ

ဖတ်နေမှတတ်မြောက်ကျွမ်းကျင်မည်ဆိုသည့် လျို့ဝှက်ချက်ကြီးကိုမသိကြ။

    >  တချို့က Grammar တတ်မှ၊ Sentence Patterns တွေနိုင်မှ စာတတ်မည်၊ စကားပြောတတ်မည်ဟု ကျိမ်းသေပေါက် ယုံကြည်ကြ၏။

ထို့ကြောင့် ထိုသူတို့သည် Grammar စာအုပ်များဖြင့် နပမ်းလုံးနေကြ၏။ Grammar သင်တန်း သီးသန့်တက်ခြင်းတို့ဖြင့်သာ အချိန်ကုန်နေကြ၏။

(မတက်ရဟုမဆိုလိုပါ)

    သို့‌သော် ထိုသူတို့သည်စာဖတ်မှ စာတတ်မည်၊ လေ့ကျင့်နေမှတိုးတက်မည်ဆိုသည့် Key ကိုမသိကြသဖြင့် English Language Skills များဟုတ်တိပတ်တိ တိုးတက်လာမှုမရှိပဲငုတ်တုတ်မေ့နေကြ၏။

       > တချို့က ကြော်ငြာကြည့်လိုက် ပြေးတက်လိုက်၊ ပိုက်ဆံကုန်မှန်းမသိ၊ အချိန်ကုန်မှန်းမသိ။

Oxford Course ဘာမှန်းမသိ၊ Cambridge  Course ဘာမှန်းမသိ။ အချိန်ကုန် ပိုက်ဆံကုန်။လူပင်ပမ်း။

   သင်တန်းရွေးချယ်တတ်ဖို့လည်းအရေးကြီးပါ၏။ တချို့သင်တန်းဆရာများသည်

 English စာ ၂လုံးတွဲမှာ ရှေ့စာလုံးအသံထွက်နဲ့နောက်စာလုံးအသံထွက် တွဲထွက်ရတယ်ဆိုတာတောင်မသိပဲ Speaking သင်တန်းဖွင့်နေကြ၏။

    ဥပမာ၊ look up, (လွတ်အပ်)

 မဟုတ်(လွတ်ကပ်)၊

look at(လွတ်အက်)မဟုတ်

(လွက်ကက်ထ်)

> Reading  ပုံမှန်လုပ်နေတဲ့သူက Listening Skill အမြဲရနေပါတယ်။ Listening စွမ်းရည်တိုးတက်စေပါတယ်။

(Listening skill လေ့ကျင့်နည်းများထပ်မံဖေါ်ပြပါမည်)

> တကယ်ဆို စကားပြော တစ်မျိုးထဲတတ်ချင်တဲ့သူတွေအတွက် Listening Practice တစ်ခုထဲကို‌ နေ့စဉ် (အနည်းဆုံး) ၃နာရီလောက် နားထောင်နေရင်တောင်အချိန်ကာလတစ်ခုမှာစကားပြောတတ်လာပါလိမ့်မည်။ သို့သော် စာဖတ်တတ်မည်မဟုတ်ပါ။

ဈေးထဲမှာ ရပ်ကွက်ထဲမှာ အချို့သော ယောက်ျား မိန်းမကြီးများ စကားပြောတတ်သော်လည်း စာမဖတ်တတ် မရေးတတ်ကြသည်ကို တွေ့ဖူးကြပါလိမ့်မည်။

   သို့သော် အချိန်ယူရပါလိမ့်မည်။ Reading Practice လုပ်ခြင်းလောက် မြန်မည်မထင်ပါ။

အဘယ့်ကြောင့်ဆိုသော် Native Environment (မိမိဘာသာစကားပြောသော အသိုင်းအဝန်း)မဟုတ်၍ ဖြစ်ပါသည်။

> ထို့ကြောင့် English Four Skills တွင် Reading Practice သည် အခြားသော Skill များပါရရှိနိုင်သည့်အတွက် အရေးအကြီးဆုံး အဓိကထား၍လုပ်နေရမည့် လေ့ကျင့်ခန်းဖြစ်ကြောင်း ရှင်းပြနေခြင်းဖြစ်ပါသည်။

> အကြံပေးလိုသည်မှာ

 Grammar စာအုပ်တွေ၊ တစ်ကြောင်းစီရေးပြီး ဘယ်လိုဆို ဘယ်လိုပြောရတယ်ဆိုတဲ့ Speaking စာအုပ်တွေ (လုံးဝ) မဖတ်ပါနဲ့ဦး။

   မဝယ်ရသေးရင်လည်း မဝယ်ကြပါနဲ့ဦး။ ဝယ်ပြီးရင်လည်း  Sorry, ခဏသိမ်းထားလိုက်ပါ။

   ဥပမာတစ်ခုထပ်ပြောပါမည်။ ကားမောင်းကျွမ်းကျင်လိုပါက

ကားဘယ်လိုမောင်းရသည်ကို အရင်သင်ယူပါ။

 ကားမောင်းတတ်ပြီဆိုလျင် ကျွမ်းကျင်မှုရရှိဖို့ နေ့စဉ်မောင်းနေခြင်း လေ့ကျင့်နေခြင်းကသာ သင့်၏ကားမောင်းစွမ်းရည်ကိုတိုးတက်စေပါလိမ့်မည်။

   သင်သည်ကားမောင်းမလေ့ကျင့်ပဲ ကားတည်ဆောက်ပုံစည်းမျဉ်း ဥပဒေသ ဖေါ်မြူလာများကိုလျောက်လေ့လာနေပါက

ကားမောင်းကျွမ်းကျင်ဖို့ဝေးနေပါလိမ့်ဦးမည်။

(ဒီလောက်ပဲပြောပါရစေ၊ နို့မို့ဆို ဒီစာအုပ်တွေပြုစုတဲ့ပုဂ္ဂိုလ်တွေ ကျွန်ုပ်ကို ဝိုင်းဝုန်းကြပါလိမ့်မယ်။

သို့သော် ကျွနုပ်ပြောသည်မှာ အမှန်ပါ။)

ကျွန်ုပ်အား English စာသင်ပေးခဲ့သော ဆရာကြီး ဆရာမကြီးများအားလုံးက ဤအတိုင်းသာလမ်းညွှန်ခဲ့ကြပါသည်။

     သင်ဆရာ မြင်ဆရာ ကြားဆရာအားလုံးကို ဂါရဝပြုလျက်.

Saya Bryan

Former Interpreter &

Translation Officer

09 96 444 2008